O noso club

A vangarda do balonmán dende 1991

Desde o ano 1991, o noso club, o Club Balonmán Narón, mantense á vangarda do deporte na nosa comarca. Promovemos o balonmán como unha auténtica escola de vida e un espazo de crecemento persoal. A nosa prioridade é o traballo coa base, formando nenos e nenas na técnica e na táctica. Tamén inculcamos os valores que o deporte transmite: esforzo, compañeirismo, respecto e superación persoal. Estes valores acompañan a cada xogador e xogadora dentro e fora da pista.

Contamos cun equipo sénior que reflicte o camiño percorrido polos xogadores e xogadoras da canteira. Eles e elas encarnan o espírito de compromiso e dedicación que define o club. O seu exemplo amosa que o esforzo constante é o mellor camiño cara ao crecemento colectivo e individual. Inspiran ás novas xeracións que seguen os seus pasos con ilusión e orgullo

Por enriba de todo, somos unha gran familia deportiva. Somos unha comunidade que vai máis alá da competición e que serve de apoio constante na vida cotiá. As ligazóns que nacen na pista perduran fóra dela e lembran que o balonmán non só se xoga: tamén se vive.

Historia do clube

2021

Ascenso nunha tempada casi perfecta

Trala unión dos dous clubes da comarca, o Balonmán Ferrolterra e o Balonmán Narón, xurde o Balonmán Naron-Ferrolterra, en 2021. Este equipo colleitou un ascenso directo a primeira autonómica, derrotando pola mínima en ambos encontros o rival a bater, o Balonmán Tui, e materializando todos os partidos da campaña en victorias, agás dous encontros. Noraboa campións!

2025

Lesión de Álvaro

«Lesionase nun nocello o noso extremo Álvaro Pérez Fos. Poderemos suplir a súa ausencia? É unha oportunidade de ouro para a súa competencia de cara a gañarse un posto no sete titular!»